服務條款

服務內容

我哋代你保管一個或多個封好嘅行李箱／指定物品，直至你要求取回。我哋按「篋」收費，唔理入面件數或者重量，只要唔超過該尺寸嘅上限。

收費同續期

按月計劃每月自動續期，隨時可取消，當期完結生效。全年計劃一次過預付，到期前一個月會通知你。所有收費喺收費頁公開，不會於合約期內加價。

退款

全年計劃如未開始使用，可全額退款。已開始使用者，按未使用月數比例退款，並扣除已產生嘅送貨費用。按月計劃當期不設退款，但可即時停止續期。

責任上限

每個篋嘅賠償上限為該篋所選擇嘅保障額 — 基本 $1,000，升級後 $3,000。我哋唔會為間接損失負責。索償須於取回物品後七日內以書面提出，並附入倉及出倉相片。

禁存物品

• 鋰電池及任何未拆除電池嘅電動產品
• 壓縮氣體、燃料、火酒、噴霧罐
• 易燃液體、腐蝕性或有毒化學品
• 食物、易腐物品、植物、活體動物
• 現金、珠寶、有價證券、證件正本
• 任何違法或依法不得管有嘅物品

入倉時我哋會詢問但不會開篋檢查。存放禁存物品者須自行承擔一切後果，並可能導致保障失效。

無人認領物品

計劃到期後，我哋會透過電郵、WhatsApp 及電話聯絡你至少三次，為期九十日。若九十日後仍無法聯絡，我哋有權按香港法律處置有關物品，所得款項先抵銷欠款，餘額保留一年供認領。

預售安排

若你於倉庫正式啟用前購買計劃，計劃期由倉庫啟用日起計，而非付款日。啟用前你可隨時要求全額退款。啟用日期會於確認電郵中列明。

適用法律

本條款受香港特別行政區法律管轄。