安全同保險

客人唔入倉

呢個係我哋同迷你倉最大嘅分別。我哋唔係格仔倉，冇一格格租畀人嘅房，冇陌生人喺你啲嘢隔籬行嚟行去。你喺前台交篋，之後由員工上架，其他客人永遠接觸唔到你嘅嘢。

每一次出入都有記錄

• 入倉影三張相，出倉再影一次，兩邊對得上。
• 防拆標籤有獨立編號，一撕就見到。
• 你自己喺 App 睇得返所有相同時間記錄。
• 交收都要對編號同身份，唔會俾錯人。

抽濕唔係附加服務

香港三月到五月回南天，濕度長期八九十度。衫褲封喺一個密實嘅篋入面幾個月，唔抽濕一定會發霉。我哋三月到九月抽濕機二十四小時運作，並且逐日記錄濕度 — 呢樣係基本嘢，唔係加錢先有。

保險

每個篋基本包 $1,000 保障，加 $10 一個月就升到 $3,000。高爾夫球袋、相機器材、樂器呢類建議升級。我哋同時有第三者責任同貨物保管保險。

唔可以寄存嘅嘢

• 鋰電池、電動滑板車、電動單車、任何未拆電池嘅電動產品
• 壓縮氣體、火酒、燃料、噴霧罐
• 易燃液體同化學品
• 食物、任何會變壞嘅嘢、植物
• 現金、珠寶、證件正本
• 任何違法物品

入倉嗰陣我哋會問，唔會打開你隻篋。呢個係消防要求，亦都係保障其他客人啲嘢。

消防同樓宇

倉庫係員工作業嘅倉存用途，唔設租予個人嘅儲物格，所以唔屬於樓宇署定義嘅迷你倉。走火通道、消防喉轆同緊急照明按倉存用途規定設置並定期檢驗。